كاريكاتير

رمضان

‫44 تعليقات

  1. عزومة رمضان…………..؟
    رمضان شهر الخير يا فهمان* بدي أحكيلكم عن قصة عزومة رمضان* عزومة رفع العتب ما بتنفع الإنسان* لإن كلها نفاق وما بتنحسب إحسان* رفع العتب يا ناس أسوء من الدخان* رفع العتب يا عالم كلو من كيد النسوان* خلينا نرجع للإنسان* خلينا نتبع الإحسان* ليش الكرة بملعب وليش البطل نعسان* ليش الدنيا سودة وليش الشمس زي حبة الرمـان* صحيح أنا شاعر* الفشل صار بشعري كمان* بطلت أعرف أحكي* وأحياناً بخربط كمان* أنا جوعان* أنا عطشان* أنا حشران* أنا زعلان* أنا هاماكو البطران* أنا مستحيل أنحسب من الهبلان* ولا العربان* ولا أفقه شيء* لكني أعرف أن الزمان كان زمان إشي كريم وما عندو حرمان.
    همكووووووووووو

  2. هادا المطلوب ………..؟
    يسلملي الخصر الساحل * شو لايق يابو محجوب * مهادا الي دابحنا * وهو المخزق الجيوب * روح دبرلي حالك * وعزمهم يا محبوب * عشان ترفع العتب * وما تنكشف العيوب * وديونك بتضاعف * وتتعب منها القلوب * وبتجيك سكته قلبيه * وهادا هو المطلوب * وبصير عندك عذر * وبتترمل ام محجوب * ومنخلص من هالعاده * اللي الراتب منها بدوب * وسلامتكم من العزايم..وسلم عليه سلم ..همكوووووو

    ردعلى سارق الاسم….؟
    مستحي تبعث باسمك * متخفي ورا همكو ليش *وسارق الايميل كمان * مبين كلامك فتيش * الكلام للي بفهمه * مش للي عامل ميش*
    عايش على ظهر البابا * والماما بتجيبلك عيش * ونصيحه مني الاهلك * يغيرو اسمك من حوحو الى ج ح ي ش وسلامتكم من الحرمنه ..وسلم عليه سلم همكووووووو الاصلي….

  3. جميل
    كاريكاتير جميل ويبين حاله الطبقة الفقيرة ، ولكن اعتدنا على الكرم الاردني الاصيل ونتمنى تبيين ذلك…

  4. معلش معذووووووووووور
    معلش معذور مع غلا العيشه والاهم من هيك انو صايم ابو محجوب عشان هيك معصب ومش شايف الفضه مع هناس الواحد لازم يعصب ههههههههههه

  5. تحرقش اعصابك
    طب انتا يا ابو محجوب اطلع من خرجه وقدم اللي بتقدر عليه ، ولا تكلف حالك تعريفة دين 🙂

  6. مهدة وتلاحم
    ههههههههههههههههه حلو والله ياحجاج
    صرنا نحسب مليون حساب قبل ماانعزم حدا بنقول حرام شهر فضيل الله كريم ،بس من جوة بنحكي اي هو احنا لاقيين نوكل عشان نوكلهم
    بعيــــــــــن الله

  7. جريدة
    ههههههههه
    كل شي بضحك
    يعني لهلأ ابو محجوب بستخدم الجرايد تحت الأكل ؟؟
    لأ وبستخدم كمان لمبة توفير الطاقة 🙂 واحلى شي الصابونة الزهرية ياعيني عالرومانسية ههههههه
    بالنسبة للكاريكاتير هيك معظم الرجال حاليا بحطو الحق ع المرة بهيك مواقف لما بتقدم المرأة نصيحة للرجال وهو ما بقوم فيها بالشكل المطلوب يعني اكيد ابو محجوب حكا اتفضل لعنا ع الفطور ولما رفض ابو محمد أكيد اصر واصر عشان يبين حاله وبالاخير بتطلع على راسه هههههههه
    يعطيك العافية عماد وبالتوفيق

  8. رمضان وميزان الأعمال.
    ممكن عبارة المودة والتراحم إلٌلي مش عاجبة السيد أبو محجوب تنقص من حاجاته المادية يعني(المال) وممكن بنفس الوقت الله يعوضو عنها في ميزان الحسنات،وياريت لو كل الناس يكون هدفها الحسنات مش تخزين الأموال مثل السيد أبو محجوب.

  9. وااااااااااااقعي
    جميل جدا يا عماد..يسلمو ايديك…عنجد انت واحدمبدع
    المشهد ظريف ومن واقع الحياة اللي بنعيشها..وعاجبني احم احم..وباقي العيلة الكريمة.

  10. الله يعينو
    الله يعينو هالمواطن الاردني بحط الي فوقو والي تحته عشان يعزم قرايبه في رمضان والمشكلة بطلع الزعلان اكثر من الراضي. يعني خازوق على كل الاحوال.

  11. بتصير في احسن العائلات
    كاريكاتير من الاخر ..كثير من التعابير والكلمات اللي منسمعها ومنحكيها على اساس المجاملة او (رفع العتب) ممكن تورطنا بمبلغ من المال او الاحراج امام الاخر..امثلة:- خللي علينا .على حسابك,خن نكسبك على الغدا ,,الك بدون مصاري..

  12. رووووق
    كله ولاتعصب على المرة الدنيا رمضان بلاش يروح صيامك عل الفاضي اكسب حسنات احسنلك لانه شهر رمضان شهر الخير والبركة لقمة هنية بتكفي مية

  13. عشان تبقى عارف
    والله يا ابو محجوب الي بحكي كامة لازم يكوووون قدها ولا انا غلطان

  14. ليش الي كاتب انها قديمه مكيف على حاله يا سيدي و قديمه شو يعني بس كتيييييييييير حلوه و قويه و واقعيه

  15. مفهوم رمضان
    كل عام وانتم بخير
    بس لو الناس تعرف معنى رمضان الصح، الكل بس يبدا رمضان بيصير يحسب رح اعزم ورح انعزم وشو رح نطبخ اليوم والحلو ما بيخلص الشهر الفضيل الا الواحد بيكون على ديون وما عمل اشي لهذا الشهر، يا ناس في صلاة في عبادة ، اوكي في صلة رحم بس بالعقل مش نتذكر انو اللي اهل بس برمضان وانساهم طول السنة والله حلوة الجمعات والاهل والتواصل بس والله لو ندير بالنا شوي ونحسبها للدنيا وللاخرة.

  16. عزومة الهنا
    والله ابو محجوب بستحق ليش يعزموا صح رمضان كريم بس هو ما معو مصاري عشان يعمل حالو كريم اتخوزج

  17. عزايم رمضان
    الي بده يعزم بده يتحمل مين ما اجا لعنده و بعدين شو رفعة عتب وين بتنباع هي الكلمة … يا ابو محجوب الي بسمعك و انت بتردح للمرة بقول انك كل يوم عندة عزيمة مهو من السنة لسنة و يلا يلا تعزم و رمضان كريم ، الاستاذ عماد كتير زووووووء برسوماته الرمضانية

  18. الحكي صار عليه جمرك
    و الله يا ابو محجوب انو الحكي صار عليه جمرك يعني رفعة عتب جابتلك البهدلة .. بس و لا يهمك بقولك المثل الجود من الموجود .. و ام محجوب ما بتقصر .. هلا عمي 🙂

  19. قديمة كتييييييييييييييييييييييييييييييييييير
    شكلك يا عماد صرت تفتح بالأرشيف تبعك وتحط منه في الجريدة

  20. احساس القلم
    شو يا man!!!
    الشغلة بدها ذكاء اجتماعي مش أكتر….
    ابو محجوب شخصية مصطنعة اليوم,ليش؟
    لانه دايما رجال وقد حاله بكل الكاريكاتيرات وياما حمل هل المسدس بأكتر من صورة فعشان عزومة((عجاجة)) و عورق جرايد يعمل هيك…لا لا مستحيل!!!
    الكبير لازم طول عمره يظل كبير!!!

  21. رمضان كريم
    ارحم حالك يا ابو محجوب لا تعصب شكلك لما تعصب بسحل بنطلونك من كتر الشد عحالك!!! يلا الله بعينك الشهر لسا باوله والباقي علطريق لاتنسى اهلك واهل المره واخوانك وخواتك وعماتك واعمامك واعمام وعمات المرا واجدادك اذا عندك واعمل يوم للجيران !ورمضان كريم…

  22. كن رجل
    المفروض تتحمل وما تقصر وبس يجي دورك تروح عندو جيب آل ابو محجوب وصحابك كمان !!!

  23. ولو ..
    ولو با ابو محجوب بنعرفك زلمة خليك قد كلمتك ..
    يللا مش مشكلة كله نهار ..
    مشكووووووووووور عماد على هالكاريكاتير الحلو ..
    واللي بيقول عنها قديمة يحتفظ برايه لحاله ..

  24. رمضان كريم
    شو بدك تعمل يا ابو محجوب الله بعينك ع هاليوم
    ورمضان كريم

    تحياتي عمي عماد
    وكل عام وانتا بالف خير

  25. اخف مصيبه
    لما الواحد بعزم الزلمه ومرته على حفلة زواج ابنه او بنته في احد الفنادق ودافع الشىءالفلاني ثمن الكرسى بروح الاخ بوخذ كل اولاده عالفندق واحسبوها هيه قلة فهم او قلة احترام اما انا فأعتبرها قلة حيا وما لازم الواحد يعزم هيك اشكال.

انتخابات 2020
15 يوما
#الأردن_ينتخب
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock